Зеленски најави дека наскоро ќе се сретне со Трамп

Украинскиот претседател Володимир Зеленски најави средба со американскиот претседател Доналд Трамп во наредните денови.

– Се договоривме за средба на највисоко ниво – со претседателот Трамп во блиска иднина, напиша Зеленски на X.

Тој рече дека ова се случило откако Рустем Умеров, главниот украински преговарач во мировните преговори за ставање крај на војната што Русија ја почна пред речиси четири години, извести за своите најнови контакти со американската страна.

– Многу работи може да се одлучат пред Нова Година, напиша Зеленски.