Во Атина синоќа било пронајдено бебе во куфер во стан во центарот на градот.
Бебето имало повеќе од 10 убодни рани, јавува Екатимерини, повикувајќи се форензичкиот извештај.
„Раните, кои беа пронајдени на грбот на бебето, беа со различна длабочина. Врз основа на наодите, причина за смртта биле повеќекратни убодни рани, а властите го третираат случајот како кривична истрага. Се очекува во досието на случајот да биде додадено обвинение за чедоморство“ наведува весникот.
Форензичарот не можел да го утврди точното време на смртта или возраста на бебето поради состојбата во која е пронајдено телото.
Првичните проценки сугерираат дека детето имало околу осум до девет месеци.
Телото е откриено во неделата во изнајмен стан на Airbnb на улицата Тасос во Кипсели, во куфер што го носеле 38-годишна Германка и нејзината 15-годишна ќерка додека се подготвувале да заминат.
Жената првично им кажала на властите дека бебето е нејзино дете и дека починало пред околу осум месеци.
Жената, нејзиниот 43-годишен грчки партнер и нивната ќерка се уапсени поради наводно непријавување на пронаоѓањето на мртво тело.
26-годишен Авганистанец, кој вели дека е во врска со ќерката, исто така е уапсен под обвинение за дрога.