Во Скопје најголема излезност има во Карпош и Центар

Излезноста на гласачите во вториот круг на изборите до 13 часот, на половина од изборниот ден е 18,03 отсто, соопшти Државната изборна комисија.

Притоа, најголема е излезноста во општините Пробиштип (36,66), Крушево (34,86) и Лозово (34,54). а најмала во Сарај (3,58), Чаир (5,35) и Шуто Оризари (12,78).

Во Градот Скопје најголема е излезноста во општините Карпош (22,14), Центар (21,58) и Кисела Вода (19,57).