Силен земјотрес со јачина од 6,1 степени според Рихтеровата скала вечерва ја погоди западна Турција, предизвикувајќи паника меѓу жителите и значителна материјална штета.
Според податоците на Европскиот медитерански сеизмолошки центар, потресот се случил на 27 октомври во19:48:29 часот UTC, односно 22:48:29 часот по локално време, со епицентар на 62 километри југоисточно од Баликешир и на 10 километри јужно од градот Синдирги.
Сведоци опишуваат дека тресењето траело неколку секунди, доволно долго за луѓето во паника да ги напуштат домовите и да бараат засолниште на отворено.
Според официјалните информации, едно лице го загубило животот, а најмалку 29 лица се повредени, од кои повеќето полесно. Локалните власти соопштија дека повеќе од 15 згради се уништени или тешко оштетени, претежно во Синдирги и околните села.
Екипи за спасување и итна медицинска помош се испратени во погодените подрачја, а работи се на расчистување на урнатините и проверка на стабилноста на објектите.
Турските сеизмолози предупредуваат дека постои можност за нови, послаби афтершокови во следните часови и апелираат граѓаните да останат внимателни.
Rabbim beterinden kurusun…#deprem #sındırgı #Balıkesir
— Hamza YILDIZ (@cpr_cpr) October 27, 2025
Breaking: A 6.1 magnitude earthquake has hit western Turkey, shaking Izmir, Istanbul, Bursa, and surrounding areas. Stay safe everyone—check on loved ones and follow official updates. 🕊️🙏 #TurkeyEarthquake #StaySafe #EarthquakeAlert pic.twitter.com/3Slns9ikzE
— ceanmedia (@ceanmedia) October 27, 2025