Аеродромот во Сплит во релативно краток рок повторно е отворен за редовен воздушен сообраќај, по инцидентот при полетување на авион на „Кроација ерлајнс“ кој излета од пистата на пат кон Франкфурт.
Инцидентот се случил околу 13:10 часот, кога авионот Airbus A220-300 при полетување излетал од пистата и завршил на тревната површина покрај пистата. Во леталото се наоѓале 130 патници и петчлен екипаж, кои безбедно биле евакуирани.
🚨 WATCH: Croatia Airlines Airbus A220-300 veers off the runway and ends up on the grass surface during an aborted take-off from Split Airport, Croatia.
The aircraft sustained damage from colliding with a marker board and runway edge lights.
All passengers and crew members are… pic.twitter.com/dcNLUFmYru
— Breaking Aviation News & Videos (@aviationbrk) May 16, 2026
Поради настанот, аеродромот бил привремено затворен, што предизвикало доцнења во летовите, но по интервенција на надлежните служби пистата повторно е ставена во функција околу 16 часот.
На социјалните мрежи се шири видео снимено со мобилен телефон на кое се гледа моментот на излетување на авионот од пистата на аеродромот во Сплит. Снимката, како што наведуваат локални медиуми, ја направил сплитскиот фотограф Еди Мештровиќ.