Дванаесетгодишно девојче загина во престрелка меѓу двајца мажи кои наводно се судрија за паркинг-место во парк во Балтимор, Мериленд, каде што се одржувал младински фудбалски натпревар.
Полициски службеници пристигнале во паркот „Леон Деј“, каде што пронашле девојче и жена со прострелни рани, пренесува АП.
12YO KILLED | A 12yo girl was killed in crossfire at Youth Football game Saturday night, per @BaltimorePolice. Three adults also injured in shooting. Police looking for at least two suspects who they say were arguing over a parking spot. @wbaltv11 https://t.co/nNbKqzQVv3
— Tori Yorgey WBAL (@toriyorgeytv) October 4, 2026
Двајца мажи исто така се појавиле во блиските болници и побарале медицинска помош, изјави комесарот на полицијата во Балтимор, Ричард Ворли, на прес-конференција.
Девојчето починало во болница, додека повредите на тројцата возрасни не биле опасни по живот.
Според него, двајцата мажи почнале да пукаат еден кон друг за време на расправија за која се верува дека избила поради паркинг-место, а куршумите ги погодиле девојчето и жената.
Полицијата трага по најмалку двајца осомничени. Ворли изјави дека девојчето не било директна цел на нападот.
„Знаеме дека имало некаков судир меѓу двајцата мажи. Тие пукале еден кон друг, а во вкрстениот оган загина 12-годишно девојче, кое веројатно било во паркот за да го гледа натпреварот“, рече Ворли.
Полицијата ја продолжи истрагата во големиот парк, а Ворли наведе дека сè уште не се знае колку истрели биле испукани.