Вереницата на Кристијан Јосип Периш (32), кој на 21 октомври почина во Психијатриската клиника „Свети Иван“ во загрепски Јанкомир, по неговата смрт го изгубила бебето што го очекувале, потврди неговото семејство.
Околностите под кои дошло до губење на бременоста засега не се познати.
„Убија уште една личност“, изјавиле членовите на семејството за „Јутарњи лист“. Тие сметаат дека смртта на Кристијан довела до уште една трагедија.
Поради сè што преживуваат, како и поради фотографиите објавени во медиумите, членовите на семејството велат дека доживеале дополнителни трауми, поради што морале да побараат лекарска помош.
Семејството очекува правда за Кристијан и се надева дека никој во иднина нема да мора да помине низ истото страдање предизвикано од смрт што не смеела да се случи.
Исто така, бараат сите одговорни за неговата смрт да добијат отказ и да ги изгубат лиценците за работа.
Според семејството, одговорност треба да понесат сите лица што биле присутни во моментот на настанот.