Осомничените за двете убиства во скопските населби Хром и Ѓорче Петров кои се приведени веќе ги признаа кривичните дела во полициска станица.
Напаѓале повозрасни лица кои живееле сами, па ги врзувале и претепувале, по од нивните домови краделе пари и злато.
МВР потврди дека вчера уапсени се четири лица – А.С.(22), Х.Е.(20) и К.А.(58) од Скопје, како и М.Р.(26) од Струмица.
Тие се осомничени за две кривични дела „разбојништво“ со последица смрт, извршени на 22 октомври во Хром и на 27 октомври во Ѓорче Петров.
Според неофицијалните информации од извори во истрагата, двајца од приведените учествувале во првото убиство, во кое животот го загубил 62-годишен маж од Хром, додека тројца биле вклучени во убиството на 76-годишната жена, чие безживотно тело вчера беше пронајдено во нејзиниот дом во Ѓорче Петров.
Четвртиот осомничен, 26-годишникот од Струмица, според истите извори, бил возач на групата и се сомничи дека помагал при извршувањето на кривичните дела.
Од Обвинителството појаснуваат дека постапката сè уште е во фаза на прибирање докази и дека засега не е донесена наредба за спроведување истрага.