Пристигна првата реакција на иранските претставници на заканата на американскиот претседател Доналд Трамп дека во „не толку далечна иднина“ ќе го окупираат иранскиот остров Харг и ќе преземат „целосна контрола“ врз иранската нафтена и гасна индустрија.
Амбасадорот на Иран во Пакистан, земјата што посредува во преговорите меѓу Техеран и Вашингтон, Реза Могадам, објави изјава на социјалните мрежи десет минути по пораката на Трамп.
„Несовесниот авантуризам на САД и арогантниот пристап со кој веднаш посегнуваат по оружје практично докажаа дека САД бараат политика на работ на конфликт и шарлатанство, а не сериозно мирно решение со добра намера“, рече Могадам и додаде:
„Ако сака да си ја проба среќата, во ред, но искуството покажа дека на крајот на денот, по циклус на тензии, доби помалку отколку порано.“
Трамп претходно се закани дека САД ќе го заземат Харг и ќе ја преземат контролата врз пазарот на нафта и гас во Иран, но набрзо го омекна тонот во интервју за Фокс њуз.
Тој рече дека запленувањето на Харг би било негова „преференција“, но додаде дека „не е сигурен дали САД имаат апетит за нешто такво“.