ССМ најавува штрајкови доколку не биде слушнат нивниот глас: „Или 600 евра минималец и точка на дневен ред, или протести“

Денеска се очекува да се одржи седница на Економско-социјалниот совет (ЕСС), на која Владата, работодавачите и синдикатите ќе разговараат за прашања поврзани со стандардот на работниците.

Од Сојузот на синдикати на Македонија (ССМ) информираа дека на најавениот дневен ред не е вклучена точка за зголемување на минималната плата. ССМ бара минималната плата да изнесува 600 евра.

Потпретседателот на ССМ, Иван Пешевски, за ТВ Телма изјави дека доколку прашањето за минималната плата не биде ставено на дневен ред, ќе следуваат протести и штрајкови.

Од ССМ порачуваат дека доколку нивните барања не бидат прифатени, ќе ја радикализираат синдикалната борба, со порака: „Или 600 евра минималец и точка на дневен ред, или протести“.