Сопругата на Ѓоко Ристов: Од кога е срамота да се печали од земјоделие?

По реакциите на јавноста, по неодамнешното сведочење на родителите на доскорашниот апелационен судија Ѓоко Ристов, дека 350.000 евра кои беа заѕидани во зид се нивни и дека ги спечалиле од земјоделие и плетење, со коментар се јави и соругата на Ристов.

-Од кога е срамота да се печали од земјоделие???“, праша Симона Зорик, на социјалната мрежа Фејсбук.

Родителите на судијата во своите искази објаснуваа дека со децении се занимавале со производство и продажба на земјоделски производи, меѓу кои бостан, дињи, пиперки и грозје, и дека заработените пари ги чувале во готовина, бидејќи немале доверба во банките.