Скопје се гуши во чад, пожари на повеќе страни го загадија воздухот во главниот град

Скопје денеска има влошување на квалитетот на воздухот.

Мирис на чад се чувствува речиси во целиот град.

Според податоците на платформа за следење на загаденоста „IQAir“, воздухот во Скопје е класифициран во категоријата „Нездрав“, со Индекс на квалитет на воздух (AQI) од 155.

Воздухот во Скопје е оптоварен од чадот кој пристигнува од активните пожари во близина.

Високата температура, ниската влажност на воздухот и слабиот ветер придонесува за задржување на чадот и штетните материи во атмосферскиот слој над градот, велат познавачите.

Здравствените власти апелираат до граѓаните од чувствителните категории (деца, постари лица и хронично болни) да ги намалат активностите на отворено.