Унгарската полиција објави дека седум лица загинаа, а две се повредени утрово на западот од земјата, кога минибус се судри со камион што стоел на автопатот М1, каде што сообраќајот бил во застој поради несреќа што се случила малку порано.
Во минибусот имало девет лица, а несреќата се случила на местото каде што претходно камион се судрил со градежно возило.
Таа претходна несреќа, во која загина едно лице, предизвикала сообраќаен метеж.
On behalf of the government, I extend my sincere condolences to the families of the eight foreign nationals who lost their lives in the accident on the M1 motorway early this morning.
I wish those who were injured a full and speedy recovery.
— Magyar Péter (Ne féljetek) (@magyarpeterMP) June 12, 2026
Унгарскиот премиер Петер Маѓар објави на Фејсбук дека жртвите се странски државјани, но не ги прецизираше нивните националности.
Маѓар изрази сочувство до семејствата на загинатите лица од минибусот.
Полицијата за порталот 24.hu изјави дека сите жртви биле мажи и дека минибусот имал молдавски регистарски таблички.