Американците и Иранците продолжија со меѓусебните напади при што Вашингтон објави дека бомбардирал десетици цели, додека Техеран рече дека нападнал бази што ги користат САД во Јордан, Бахреин и Кувајт.
Американските сили „ги нападнаа иранските системи за противвоздушна одбрана, крајбрежните радари, ракетните и беспилотните летала, како и малите бродови“, напиша американската Централна команда на X, споменувајќи „десетици цели“.
Исламската Револуционерна гарда, идеолошката армија на Техеран, тврди дека нападнала бази што ги користат САД во Јордан, Бахреин и Кувајт, објави иранската новинска агенција IRNA.
Дипломатските напори се „сведени на нула“, тврди Техеран.
Ескалацијата на конфликтот влијаеше на цените на нафтата.
Цената на суровата нафта Brent од Северното Море за испорака во септември се зголеми за 3,85 отсто на 78,94 долари за барел.