Притвор за млад скопјанец – со пиштол ограби две компании за брзи кредити

МВР информира дека вчера во главниот град, полициски службеници од СВР Скопје го лишија од слобода скопјанецот Б.А.(25).

Тој се сомничи дека на 15.08. и 18.08. годинава извршил разбојништва во две подружници на финансиски друштва на подрачјето на ЕВР Центар и Бит Пазар, односно дека со закана со пиштол одзел пари.

Лицето е задржано во полициска станица и во службен разговор ги признал делата.

Во координација со јавен обвинител, против него е поднесена кривична пријава по итна постапка, а судија на претходна постапка му определи мерка притвор од 30 дена.