Околу 130.000 домаќинства и компании во Сан Франциско останаа без струја

Околу 130.000 домаќинства и компании во американскиот град Сан Франциско вчера останаа без електрична енергија. Напојувањето со електрична енергија постепено се стабилизира и сега речиси 20.000 потрошувачи се без струја.

Електрична енергија немало во северниот дел од градот, поради што биле затворени голем број продавници и ресторани, а нарушен бил и градскиот транспорт.

Компанијата „Пацифик гас енд електрик“ ((Pacific Gas and Electric, PG&E), соопшти дека се истражува причината за масовниот прекин на електричната енергија, додавајќи оти се стабилизира електричната мрежа и не се очекуваат нови прекини.