Од Скопје ќе се лета и кон Мадрид, Стокхолм, Прага, Бари и за Келн до крајот на годината

Унгарската нискобуџетна авиокомпанија „Визер“ ќе добие субвенции од Владата за уште пет нови авиолинии. Од ноември од Скопје ќе се лета до Мадрид и Стокхолм, а од декември до Прага, Бари и Келн.

„Утрово го потпишавме Договорот за петте нови авиолинии кои ќе значат повеќе туристи, повеќе бизнис во Македонија и повеќе можности за сите граѓаните. Со 11 нови линии кои што веќе ги отворивме и овие 5, веќе зборуваме за 16 нови авиолинии кои ги отворивме за само една година“, рече министерот за транспорт и врски Александар Николоски во видео обраќање на социјалните мрежи.