Нафтената дамка што се појави по серијата украински напади врз рафинеријата Туапсе се движи по брегот на Црното Море кон Геленџик. Дамката сега е на околу триесет километри од луксузната резиденција на Владимир Путин на ’ртот Идокопас, позната како „Путиновата палата“, објавува „Билд“.
Рафинеријата Туапсе беше цел на неколку украински напади со беспилотни летала во април. Нападите на 16 и 20 април предизвикаа огромни пожари видливи од вселената.
По нападите, токсични супстанции паднаа со дождот, премачкувајќи ги автомобилите и улиците со масен слој. Жителите во близина на рафинеријата се евакуирани и носат заштитни маски поради загадениот воздух.
Закана за резиденцијата на Путин
Сателитските снимки покажуваат голема нафтена дамка што се шири по брегот кон Геленџик и ’ртот Идокопас, каде што се наоѓа луксузната резиденција на Путин. Дамката моментално е на околу 30 километри од резиденцијата.
Ова не е прв пат резиденцијата на Путин на Црното Море да биде загрозена. Пред две години, наводно, беспилотни летала биле насочени кон областа, а минатата година таа била загрозена од шумски пожари.