Муцунски најавува почеток на постепено укинување на роамингот во ЕУ

На почетокот на следната година би можело да се очекува почетокот на постепеното укинување на роамингот за македонските граѓани во ЕУ, најави министерот за надворешни работи и трговија Тимчо Муцунски од Брисел.

Тој денеска и утре престојува во работна посета на Брисел, каде денеска се сретна средба со генералниот директор на Директоратот на Европската комисија за проширување и источно соседство, Герт Јан Копман.

„Во фокусот на разговорот беше и иницијативата „Роаминг како дома со ЕУ“, насочена кон постепено укинување на трошоците за роаминг помеѓу земјите од Западен Балкан и Европската Унија. Одлуката за оваа иницијатива се очекува да биде донесена на почетокот на следната година“, се вели во соопштението од МНР.