Малолетник заврши во болница – падна од тротинет

Во Тетово тешко е повреден 16-годишник откако падна од електричен тротинет.

Според информациите од МВР, несреќата се случи синоќа околу 22:30 часот, во тетовското село Мала Речица.

Малолетникот управувал електричен тротинет кога во еден момент изгубил контрола и паднал.

Како последица на падот, 16-годишникот се здобил со тешки телесни повреди, кои биле констатирани во Клиничката болница во Тетово.

Увид на местото извршила екипа на СВР Тетово.