Македонија со ракометари кои играат во домашната лига на Европското првенство во Данска

Селекторот на машката сениорска ракометна репрезентација, Кирил Лазаров, го објави конечниот список на ракометари кои ќе ги бранат боите на Македонија на претстојното Европско првенство кое идниот месец ќе се одржи во Данска.

Костурот е речиси комплетно од домашниот шампионат – интернационалец е само голманот Мартин Томовски.

На списокот од 21 ракометар, доминираат играчите од РК Алкалоид и РК Еурофарм Пелистер, а интересно нема ниту еден играч од Вардар 1961.

Лазаров остави и листа на резерви, каде се наоѓаат имиња како Марко Кизиќ и искусниот Гоце Ојлески.