Двајца косовски државјани се уапсени со големо количество фалсификувани пари во разни валути, со вредност од 230.000 евра, соопшти вечерва МВР.
„На 03.08.2026 во Скопје, од страна на полициски службеници од Единицата за интервентна полиција при СВР Скопје, лишени се од слобода Ф.Р.(30) и Т.Т.(44), двајцата државјани на Република Косово, поради постоење основи на сомнение за сторено кривично дело „фалсификување пари“ по член 268 од Кривичниот законик.
При извршен преглед на возило „голф“ во кое биле двете лица, пронајдени се пари во различни валути и апоени (евра, американски долари, швајцарски франци и британски фунти) со вкупна вредност од околу 230.000 евра.
Пронајдените пари се одземени, а двајцата се спроведени во Полициска станица Центар за понатамошна постапка. По документирање на случајот, во координација со јавен обвинител ќе биде поднесена соодветна пријава“, соопшти полицијата.