Израелскиот премиер Бенјамин Нетанјаху е „шокиран и тажен“ од снимката на која, како што изгледа, израелски војник со чекан уништува статуа на Исус во јужен Либан.
„Го осудувам тој чин најостро“, рече Нетанјаху во објава на социјалната мрежа X.
Нетанјаху, исто така, ги објави следните чекори.
As the Jewish state, Israel cherishes and upholds the Jewish values of tolerance and mutual respect between Jews and worshippers of all faiths. All religions flourish in our land and we view members of all faiths as equals in building our society and region.
Yesterday, like the…
— Benjamin Netanyahu – בנימין נתניהו (@netanyahu) April 20, 2026
„Воените власти започнаа кривична истрага и ќе преземат строги дисциплински мерки против сторителите“, се вели во соопштението.
„Израел е единственото место на Блискиот Исток кое ја почитува слободата на религијата за сите. Жалиме за овој инцидент и за целата болка што ја предизвика“ порача тој.
Инцидентот претходно го осуди и американскиот амбасадор во Израел, Мајк Хакаби, барајќи „брзи, строги и јавни последици“.
Израелскиот министер за надворешни работи го опиша настанот како „сериозен и срамен“.