Денеска во Србија се одржуваат вонредни парламентарни избори, а избирачките места се отворени во 7 часот наутро.
Уште во првите часови од гласањето, пред избирачките места низ целата земја се забележани големи гужви, каде што граѓаните доаѓаат да го остварат своето право на глас. Многумина дојдоа и застанаа во ред уште пред отворањето на избирачките места.
Според фотографиите од теренот, голем број граѓани се собраа пред избирачкото место во населбата „Филип Вишњиќ“ во Карабурма, како и пред избирачкото место во основното училиште „Деспот Стефан“ во Миријево, но и пред основното училиште „Караѓорѓе“ во Вождовац.
Уште пред 7:00 часот, кога се отворија избирачките места, граѓаните веќе чекаа во ред пред своите избирачки места.
Вкупниот број гласачи во единствениот избирачки список изнесува 6.450.523. Избирачките места се затвораат во 20:00 часот. На сила е изборна тишина сè до затворањето на избирачките места. Се гласа за една од 18-те изборни листи.