151
Германскиот канцелар Фридрих Мерц изрази сомнежи дека постои јасен план за брзо завршување на војната со Иран, откако американскиот претседател Доналд Трамп вчера изјави дека конфликтот „наскоро ќе заврши“.
„Особено сме загрижени што очигледно нема заеднички план за брзо и убедливо завршување на оваа војна“, рече Мерц на прес-конференција по средбата со чешкиот премиер Андреј Бабиш.
Мерц рече дека Германија ги дели „многу од целите“ на американско-израелската офанзива, но додаде:
„Немаме интерес за бесконечна војна. Немаме интерес за рушење на територијалниот интегритет на Иран, неговата државност или неговата економска одржливост“.