Двајца загинати во ирански ракетен напад врз Израел

Најмалку две лица загинаа во ирански ракетен напад врз Израел, соопштија рано изутринава локални медиуми.

Жртвите биле тешко повредени во нападот врз градот Рамат Ган во близина на Тел Авив, а подоцна им повредите, пренесуваат весниците „Хаарец“ и „Тајмс оф Израел“ информации од Службата за итна помош „Маген Давид Адом“.

Уште две лица се здобиле со полесни повреди во нападите врз населбите Бнеи Брак и Петах Тиква, источно од Тел Авив.

Израелската армија соопшти дека се регистрирани напади врз повеќе локации во централниот дел на земјата и ги повика граѓаните да се држат подалеку од погодените подрачја.

Фотографии покажуваат и оштетувања на железничката станица Савидор во Тел Авив.