Денеска ќе биде сончево, но ќе дува и ветер

Времето денеска во претпладневните часови ќе биде променливо облачно, а во текот на денот сончево и посвежо со мала до умерена облачност.

Ќе дува засилен ветер од северен правец, особено долж Повардарието.

Во Скопје ќе биде сончево и посвежо со мала до умерена облачност. Ќе дува засилен северен ветер, а дневната температура ќе достигне до 12 Целзиусови степени.

Маврово 6, Охрид 11, Битола 10, Крива Паланка и Берово 8, Кавадарци 13, Дојран 14.

Утре наутро времето ќе биде студено, а преку денот сончево. Ќе дува слаб ветер од северен правец. Во Скопје сончево.

Дневните температури ќе се движат од 8 до 18 степени.