Бројот на жртви од рускиот воздушен напад во Тернопол се искачи на 25

Бројот на жртви од денешниот руски воздушен напад во западноукраинскиот град Тернопол се искачи на 25, објавија украинските медиуми, повикувајќи се на службите за итни случаи.

Во нападот се повредени 73 лица.

Операцијата за спасување на луѓето од урнатините е во тек, а на местото на настанот се наоѓаат повеќе од 160 спасувачи, вклучувајќи алпинисти, водичи за кучиња, специјалната единица Делта, како и 45 парчиња опрема од Државната служба за вонредни ситуации.

Досега се хоспитализирани околу 150 лица.

Нападот се случил утрово околу седум часот, кога руските сили го нападнале Тернопол и околниот регион.