Хашим Тачи доби уште 17 месеци затвор за попречување на правдата

by irena 11:30
11:30

Специјалниот суд денеска го осуди Хашим Тачи на 17 месеци затвор, Башким Смакај на 12 месеци, Фадиље Фазлиу на 12 месеци, а Хајредин Кучи доби условна казна од една година, додека Исни Килај беше ослободен од обвиненијата.

Тачи беше прогласен за виновен за „обид за попречување на службени лица во вршењето на нивните службени должности“ преку заедничко дејствување, за „повреда на тајноста на постапката“ и за „непочитување на судот“.

Тој беше осуден на единствена казна од 17 месеци затвор. Истовремено, тој беше ослободен од обвинението за кривичното дело „обид за попречување на службено лице“.

Обвинителството тврди дека разговорите снимени за време на посетите во притвор докажуваат обиди за влијание врз сведоци, додека одбраната ги оспори овие тврдења, барајќи отфрлање на обвиненијата.

Ова судење се однесува на кривични дела против правосудството и јавниот ред, поврзани со друг судски процес пред овој суд („Тачи и другите“, познат како „Предмет 6“), во кој Хашим Тачи беше обвинет за воени злосторства и злосторства против човештвото и осуден на 25 години затвор.

Судијата утврди дека Тачи, преку лица што го посетувале во притворската единица во 2023 година, открил доверливи информации за одредени сведоци во неговиот процес за воени злосторства, како и дека им давал упатства на сведоците – преку истите посетители – за тоа како треба да сведочат во тој процес.

Слични вести