Американскиот претседател Доналд Трамп повторно го привлече вниманието на јавноста со бизарно фалење на предизборен митинг во Алабама, во пресрет на претстојните избори на средината на мандатот, тврдејќи пред собраните поддржувачи дека знае повеќе за сите можни теми од кој било човек во светот.
Зборувајќи за економските проблеми и растот на трошоците за живот, Трамп од бината изјави: „Знам повеќе за инфлацијата, знам повеќе за сè од кој било во оваа сала. Од кој било каде било во светот“, а потоа покажа кон публиката:
Trump: “I know more about inflation, I know more about everything than anybody in this room. Anybody anywhere in the world. Well, there’s a woman sitting right over there. She’s a housewife but she’s very good. She got a natural instinct for business. She perhaps knows more than I do but I actually don’t think so.”
— Aaron Rupar (@atrupar) October 4, 2026
„Погледнете, таму седи една жена. Таа е домаќинка, но е многу способна. Има природен инстинкт за бизнис. Можеби таа знае повеќе од мене, но навистина не мислам така“.
Ваквите изјави совршено се вклопуваат во долготрајниот образец на јавните настапи на Трамп.
Во текот на својата политичка кариера, тој веќе во повеќе наврати тврдеше дека знае повеќе за терористичката организација ИСИС отколку американските генерали и дека ја разбира технологијата подобро од кој било во светот, додека самоуверено тврдеше и дека ги разбира обновливите извори на енергија многу подобро од научниците што се занимаваат со животната средина и климата.
Сепак, новиот бран на вакви изјави доаѓа во време кога американската јавност сè поотворено ја доведува во прашање неговата ментална состојба, особено откако списанието „Тајм“ го објави целосниот транскрипт од 75-минутниот разговор со Трамп, кој содржи дури 11.000 зборови.