Државниот секретар на САД, Марко Рубио, се сретна со рускиот министер за надворешни работи, Сергеј Лавров, во Манила, на маргините на состанокот на Асоцијацијата на земјите од Југоисточна Азија во главниот град на Филипините.
Според руската државна новинска агенција ТАСС, разговорот траел повеќе од час и половина.
Темата на состанокот била Украина, објави друга руска државна агенција РИА Новости, повикувајќи се на Министерството за надворешни работи во Москва.
Во таа прилика, Лавров ја повторил подготвеноста на Русија за политичко и дипломатско решение на конфликтот во Украина. Било разговарано и за нормализација на односите меѓу Русија и Соединетите Американски Држави.
Сепак, рускиот претседател Владимир Путин досега отфрли какво било мирно решение и можност за сериозни мировни преговори. Предлогот од Киев за директна средба меѓу Путин и украинскиот претседател Володимир Зеленски, исто така, е одбиен.
Москва и натаму инсистира на своите максимални барања, меѓу кои е и целосна контрола врз регионот Донбас.
Неодамна, американскиот претседател Доналд Трамп ги поддржа украинските напади врз енергетската инфраструктура длабоко на руска територија, оценувајќи дека тоа би можело да придонесе за „крај на војната“.
Од друга страна, Москва ги осуди американските напади врз Иран.