Загина жена кај Чачак – ја прегази амбулантно возило со вклучена ротација

Повозрасна жена почина денес на обиколницата околу српскиот град Чачак кога била удрена од амбулантно возило додека ја преминувала улицата.

Според очевидци, жената била удрена надвор од пешачкиот премин од амбулантно возило на кое биле вклучени ротирачките светла и звучниот сигнал.

Според првите информации, во амбулантното возило имало пациент кој го продолжил своето патување со друго возило.

Местото на несреќата е само на неколку десетици метри од раскрсницата со семафори и пешачки премини.

Сообраќајот на овој дел од обиколницата околу Чачак е во прекин, а сообраќајната полиција ги пренасочува возилата кон алтернативни правци.