Несогласувањата меѓу врвот на СДСМ и градоначалникот на Крива Паланка е поради рудникот или поради неговите контакти со иницијативата за промени во опозицијата!?

Јавноста повеќе денови е сведок на жестока конфронтација меѓу раководството на СДСМ и градоначалникот на Крива Паланка, Сашко Митовски, кој доаѓа од редовите на оваа партија поради отворањето (во најава) на рудникот за антимон. Но, дали станува збор само за сериозни несогласувања околу рудникот или во заднина стои нешто друго.

Во текот на мај, но поверојатно со почетокот на летото, кон крајот на јуни, пред јавноста, преку свои претставници ќе се презентира опозициската Платформа, како што велат оттаму, како суштинска потреба за вистинска политичка алтернатива на актуелната власт, која во моментов ја нема.

Во т.н. Иницијатива за промени, како што велат иницијаторите, се очекува да се приклучи сериозна бројка на слободномислечки луѓе што сакаат промени во државава и да се направи симбиоза меѓу истакнати луѓе од СДСМ (без дамки) и интелектуалци што имаат желба за јавен политички ангажман, а не се пронаоѓаат во ниту една од опозициските структури

Пишува
Зоран ФИДАНОСКИ