Аргентина денес одржува парламентарни избори, на кои гласачите ќе ја дадат својата оценка за досегашните двегодишни перформанси на радикалниот лидер Хавиер Мили.На изборите, аргентинските гласачи избираат 257 пратеници во Долниот дом на парламентот, како и 24 членови на Сенатот, кој има вкупно 72 пратеници.
Изборите се одржуваат во атмосфера на политичка и економска криза, како и обвинувања дека сојузникот на Мили, американскиот претседател Доналд Трамп, се меша во внатрешните работи на земјата, пишува Гардијан.
Иако Мили имаше одреден успех во ограничувањето на троцифрената инфлација, тој се соочи со низа кризи во последните месеци, вклучувајќи корупциски скандали во кои е вклучена неговата сестра и шефица на кабинетот, Карина Мили, како и уште еден близок соработник поврзан со дилер на дрога, како и слабеењето на националната валута, песото.
Лутите гласачи го каменуваа Мили во август, а следниот месец неговата партија „Ла Либертад Аванза“ претрпе пораз на локалните избори во Буенос Аирес, каде што живеат 40 проценти од 45-те милиони жители на Аргентина, потсетува британскиот весник.