Доцна синоќа, по претерсот во просторијата на фирмата АЛПХАПХАРМ ГРОУП ДОО Скопје, во кругот на поранешната фабрика ,,Охис”, полицијата заплени неколку тони марихуана, која компанијата ја одгледувала.
Поголемо количество е запленето и во магацини во Струмица, но засега не е познато од која фирма.
Од Министерство за внатрешни работи и Обвинителство за гонење организиран криминал и корупција засега не соопштуваат официјални детали, со образложение дека претресите и проверките сè уште се во тек.
Акцијата доаѓа откако на 29 јануари во Србија беа пронајдени и одземени пет тони марихуана, за кои српските власти соопштија дека биле прошверцувани од Македонија и биле наменети за српскиот црн пазар.
Како што веќе објави ,,Фокис”, фирмата е основана во 2023 година, од српски државјани. Таа е регистрирана за одгледување и преработка на зачински, ароматични и лековити растенија за фармацевтска употреба.
(Фотографија: запленетата дрога во Србија)