Генералштабот на вооружените сили на Украина утринава соопшти дека Русија ги повлекува војниците од Харков.
Се наведува дека главната цел е да се воспостави целосна контрола врз територијата на регионите Доњецк, Луганск и Керсон и да се обезбеди стабилност на копнениот коридор со Крим, пренесе UNIAN.
Од Генералштабот на Украина додаваат дека најголема активност на руските сили се забележува во правците Слободанск и Доњецк.
Украинската пратеничка Олександра Устинова пак изјави дека ситуацијата на фронтот е „далеку полоша“ отколку на почетокот на војната.
„Пеколот во моментов е на првата линија. Сега губиме многу повеќе луѓе отколку на почетокот на војната“, им рече Устинова на новинарите на тркалезната маса на германскиот Маршалов фонд во Вашингтон.