Советот на честа при ЗНМ ја прифати како основана претставката од Данчо Арсов, која се однесува на коментар на сопственикот на порталот maktel.mk, Саше Ивановски.
-Зборовите на Ивановски, цитираме : „Радуј се Циго, уште малце и пак ќе одиш у Шутка, извалкан со до гуша у криминал…“, ги кршат членовите 10, 11, 15 и 16 од Кодексот на новинарите.
Во случајов, сопственикот на maktel.mk јасно манифестира говор на омраза и поттикнува дискриминација на национална и расна основа. Истовремено, ја навредува ромската заедница, што е неспоиво со новинарската професија, е заклучокот на Советот на честа на ЗНМ.
Советот оценува дека Ивановски постапил спротивно новинарската етика и континуирано грубо го нарушува угледот и достоинството на новинарската професија.