Жугиќ по смртта на Георгиевски: Вие бевте примерот по кој се градев и како уметник и како општествено освестен граѓанин

Театарот во Македонија утрово претрпе уште една загуба, откако беше обелоденето дека почина режисерот Љубиша Георгиевски.

Многу уметници на социјалните мрежи се простуваат од Георгиевски.

„Драг мој професоре,
нека ви е лесна земјата, а името и славата вечни!!!
Се гордеам што бев ваш студент, се гордеам на секоја наша професионална соработка, на секој миг и разговор поминат со вас. Вие бевте примерот по кој се градев и како уметник и како општествено освестен граѓанин.
Почивај со ангелите драг професоре“, напиша актерката Јелена Жугиќ.