Жителите на Кучково: Немаме вода на „плус“ 40 степени, нареден пожар се ќе изгори!

Жителите на скопското село Кучково денеска го блокираа патот кој води до селото за да го свртат вниманието на јавноста кон несериозниот пристап на локалните власти во Ѓорче Петров за наоѓање на решение за проблемот кој го има ова село со водата за пиење.

Тие велат дека локалните власти уште минатиот октомври лани им ветиле дека до ова лето ќе имаат вода, но до такво нешто не е дојдено.

Пред неколку дена во селото имаше голем пожар од спој на кабли,а жителите велат дека на вака високи температури следниот пат можно е цело село да изгори.