Жителите кои не се задоволни од работата на администрацијата на Град Скопје ќе можат да пријават до внатрешната контрола

by fokus 10:17
10:17

Жителите кои не се задоволни од работата на администрацијата на Град Скопје од денеска можат да пријават до внатрешната контрола на е-маил адресата [email protected]

– Пријавете доколку Вашиот предмет не се сработува брзо, на време и пријавете доколку чувствувате дека имате непринципиелни побарувања од градската администрација, изјави скопскиот градоначалник Петре Шилегов во петокот, кога го промовираше воведувањето внатрешна контрола во работата на градската администрација.

- Advertisements -

Во Град Скопје првпат се воведува внатрешна контрола со цел обезбедување поголема ефикасност во работата и подобри и навремени услуги за сите граѓаните.

Покрај спречувањето на можноста за одолговлекување на постапките во Градот, со оваа реформа ќе се воведе и можност за следење и на ефикасноста на секој вработен во градската администрација. Внатрешната контрола на овој начин ќе води досиеја за секој вработен.

Поврзани новости