Жители од северна Грција не дозволија мигранти да бидат сместени во нивното село

by Fokus 16:49
16:49

Жители на северна Грција не дозволија 380 мигранти да бидат сместени во хотели во близина на Солун. Мигрантите, поголемиот дел од нив семејства со деца од Сирија, Ирак и Авганистан ќе бидат сместени во камп на островот Евија на југот од земјата. Жителите на селото Врасна во северна Грција, со блокади, протести и реакции, ги премислија хотелиерите кои требаше да ги примат барателите на азил.

Хотелите претходно потпишале договори за сместување на шест месеци, но под притисокот на населението попуштиле и ги затвориле вратите на објектите.

- Advertisements -

Во меѓувреме во грчкиот Парламент доставен е новиот нацрт закон за азил.

Новиот закон меѓу другото предвидува задолжително основно и средно образование на децата кои ќе добијат статус на меѓународна заштита; воведување казни за непочитување на законот, како што се правилата на работа на центарот во кој престојуваат; редефинирање на процедурите за доделување и одземање на статусот на меѓународна заштита.

Поврзани новости