Жители ќе ја блокираат изградбата на експресниот пат Штип – Кочани

by Fokus 15:27
15:27

Жителите на селата Спанчево, Соколарци и Бања во општина Чешиново-Облешево, в сабота ќе организираат протест и ќе ја блокираат изградбата на експресниот пат Штип – Кочани.

Блокадата ќе биде на клучката кај селото Спанчево, а причината е што со комплетирањето на новата сообраќајна инфраструктура тие ќе останат без пристап до земјоделските површини.

- Advertisements -

-Месните заедници од трите села повеќепати реагираа, упатија писмени и усни барања до општина Чешиново-Облешево, до инвеститорот, до изведувачот и надзорот на градежните работи, да се обезбеди траен пристап до нивите. Не е добиен никаков одговор од ниту една страна. Поради тоа, како предупредување, ќе ја блокираме механизацијата на изведувачот, со што очекуваме нашиот проблем сериозно да биде сфатен и да се најде соодветно решение, истакнуваат организаторите на протестот.

Поврзани новости