Доцна синоќа прилепчани ги воземири веста дека жена сама се породила под мостот во градот, каде што живеела. Од речното корито нејзе и нејзиното бебе ги извадила екипа на противпожарната служба, а била присутна и екипа на итната медицинска помош.
Според граѓаните, станува збор за Ромка која живеела под мостот, и иако во поодмината бременост, до последен миг работела и се трудела да спечали за живот.
Како се дозволило жената да не биде згрижена и да биде препуштена сама на себе, да живее како бездомничка иако очекувала принова е актуелно прашање во јавноста, по настанот.
Од кабинетот на градоначалникот Борче Јовчески за ,,Фокус” велат дека се запознати со случајот.
Околу тоа дали на жената ќе и се помогне, односно дали општината ќе обезбеди сместување за неа и за новороденчето, велат дека е во план соодветна акција.
Од општината ќе има акција по повод настанот, но се уште не е дефинирано што конкретно ќе се преземе. Ќе информираме дополнително кога ќе ги имаме деталите – појаснија.
На прашањето дали бебето и мајката се во добра состојба, од кабинетот појаснија дека немаат информација.
В.К.