Во врска со бегството на Грујовски и Бошковски (Неџби и Христо),
Здружение Зелена лупа, до Основното Јавно Обвинителство поднесе кривична пријава за инволвираните судии кои требало да постапат по закон и да го спречат бегството.
Кривичната пријава Е ОДБИЕНА КАКО НЕОСНОВАНА.
Од страна на Здружение „Зелена Лупа“поднесени се и иницијативи за утврдување на одговорност за инволвираните судии, до Судски Совет на РМ.
ОДЛУКА СЕУШТЕ НЕ Е ДОНЕСЕНА ОД СТРАНА НА СУДСКИ СОВЕТ.
После ваквото однесување на Јавното Обвинителство, и на Судски Совет, се случи уште едно бегство. Бегство на поранешен Премиер, осуден на 2 години затвор и обвинет во уште неколку случаи, каде што му се закануваат високи затворски казни.
Причините за бегството на Никола Груевски се:
1. Неутврдувањето на одговорност кај инволвираните судии во претходните случаи,
2. Отфрлањето на кривичната пријава,
Со неутврдувањето на одговорност, инволвираните претставници на државата во кривичните постапки, (Судии и Обвинители) беа стимулирани да се однесуваат сосема индифирентно и во случајот со Никола Груевски.
Ја информираме јавноста, со основна цел, да го впери прстот во Јавното Обвинителство и во Судски Совет на РМ, како главни виновници за бегството на поранешниот Премиер. Барањата на одговорност од МВР за овој случај се неосновани, затоа што МВР постапува по наредби од Суд и Јавен Обвинител“, вели Цветанов.