Зекири ќе донира 1600 евра за борба против лажни вести по добиен судски случај

Основниот граѓански суд Скопје ја усвои тужбата на потпретседателот на СДСМ, Мухамед Зекири против новинарот Зоран Божиновски од Куманово за клевета. Новинарот ќе треба да плати 100 илјади денари, а тие пари ќе бидат искористени за борба против лажни вести.

„Станува збор за текст кој беше објавен минатата година и бев напаѓан и клеветен од новинарот Зоран Божиновски. Судскиот случај го добив и тие 100 илјади денари ќе ги донирам во новинарските здруженија за борба против лажните вести. Такво нешто навистина не ни е потребно“, ни изјави Зекири.

Ј.Ц.