Здружението „Богојавление“ се откажа од организација на Водици во Охрид

by Фокус 11:09
11:09

Здружението „Богојавление“, кое десеттина година ја организираше манифестацијата со фрлање на крстот за празникот Водици во Охрид, годинава се откажа и организацијата и ја врати на Македонската православна црква. Причина за откажување од организација на овој настан, како што соопштуваа од здружението, е тоа што манифестацијата и организациски и финансиски ги надминувала можностите на здружението, оттаму што истата од локален, прерасна најпрво во национален, а потоа и во меѓународен настан.

-Ваквиот став е донесен во консултација со членовите на Управниот одбор на здружението. Водици е голем православен празник кој припаѓа на црквата и градот. Ние како здружение изразуваме подготвеност да помогнеме, но повеќе не сме во можност да ја организираме оваа манифестација, се вели во соопштението од здружението „Богојавление“.

- Advertisements -

Од здружението очекуваат традицијата која го афирмира празникот, христијанските вредности, но и градот Охрид, да продолжи и натаму, да расте и да се збогатува, согласно православните и обичаите на нашата црква.

– Сметаме дека збогатувањето на празникот со манифестации како одбележувањето на Денот на рибарите, подготвувањето на рибна чорба, организацијата на уметничка програма, како и на хуманитарните активности за поддршка на социјално загрозени семејства и ранливите категории граѓани од страна на здружението и на кумовите на Водици, придонесе за афирмација на позитивните вредности на градот, велаат од „Богојавление“.

Поврзани новости