Запалена пченица и трева во Куманово

Кумановските пожарникари во изминатите 24 часа интервенирале во два случаи.

Како што соопштија од територијалната протипожарна единица од Куманово, во текот на вчерашниот ден, пожарникарите успеале да локализираат пожар на нива со пченица во кумановско Лопате на површина од седум декари. Од пожарот е предизвикана материјална штета која допрва ќе се утврдува.

Втората интервенција била на запалена сува трева на околу 2.000 метри квадратни во место „Говедарски Пат„ над Диво насеље. Причините за двата пожари засега се непознати.