Закерберг: Трамп е блокиран на Фејсбук и Инстаграм на неодредено време

by fokus 18:08
18:08

Фејсбук го блокира претседателот Доналд Трамп на своите платформи, вклучително и Инстаграм на неодредено време, барем до крајот на неговиот мандат на 20 јануари, соопшти денеска Марк Закерберг, сопственикот и основач на популарната социјална мрежа, Фејсбук.

– Шокантните настани во изминатите 24 часа јасно укажуваат дека претседателот Доналд Трамп остатокот од своето време во Белата куќа има намера да го користи за поткопување на мирниот и законски трансфер на власта на неговиот наследник Џо Бајден, напиша Закерберг во статус на социјалната мрежа.

- Advertisements -

Тој додава дека ризиците поврзани со користењето на услугите на неговата компанија од страна на Трамп се преголеми.

– Затоа го продолжуваме блокирањето на неговите налози на Фејсбук и Инстаграм на неодредено време, барем во следните две недели додека не се спроведе мирен трансфер на власта, соопшти Закерберг.

Поврзани новости