Загинатиот македонски планинар на Олимп е педесет и седум годишен скопјанец

Македонскиот планиран што загинал на планината Олимп во Грција по пад во привалија е 57-годишен скопјанец со иницијали М.Г., информираат од Министерството за надворешни работи.

Според првичните информации, М.Г. на стотина метри пред планинарскиот дом „Спилиос Агапитос“ изгубил рамнотежа и паднал во бездна.

Утре во Солун треба да биде извршена обдукција на телото на М.Г. по што ќе се знае повеќе за причината на губењето на рамнотежата.

Претпоставките одат во насока дека добил срцев удар.