Заев: Успеавме народе мој, три пратенички мандати пред ВМРО-ДПМНЕ!

by fokus

Лидерот на СДСМ Зоран Заев, во моментот прогласи победа на СДСМ и коалицијата „Можеме“ на предвремените парламентарни избори. Тој од изборниот штаб на партијата, под отворено небо, се обрати пред јавноста.

-Можеме и тоа како можеме! Успеавме народе мој. Со убедлива и стабилна предност со над 3 пратенички мандати предност пред ВМРО-ДПМНЕ, со можност за уште повеќе од еден или два мандати, истакна Заев.

Лидерот на СДСМ им се заблагодари на граѓаните што го одбрале правиот пат, а ја избегнале опасноста и враќањето на режимот.

-Има една народна поговорка. Како ќе си постелиш, така ќе си легнеш. Сите учесници од денешните избори добија порака од своите гласачи. Среќен сум што граѓаните ги препознаа вистинските вредности, рече Заев.

Лидерот на СДСМ даде многу ветување, потенцирајќи дека ќе следува правда.

-Патот е исправен, но мора да се работи уште повеќе и уште посилно. Ви ветувам дека тоа ќе го правиме во иднина, ќе растата платите, парите ќе се враќаат кај граѓаните…, рече Заев, кој додаде дека ќе подадат рака на секој на кој му е потребна поддршка.

-Следува правда, на тоа се обврзуваме, истакна Заев.

 

 

Поврзани новости